الرئيسية
[b]النضم دخل الحوش.. وهبشني في اللحم الحي... ولو ما كدي ما بفتح خشمي وما بنضُم فيهو .... يوم الإتنين ناس الحركة ومعاهم ناس ما حركة قالو دايرين يطلعو مسيرة سلمية.... عشان الحكومة ما أجازت شوية قوانين فاضلة...طيِّب نضم عديل ومجيَّه... بس المحيريني وممحِّني ناس الحركة في سمعي هم في الحكومة ورئيسهم نائب رئيس الجمهورية...مالو رئيسهم دا ما أجاز القوانين دي؟... وكان ناس المؤتمر الوطني ما دايرين يجيزو القوانين دي وبيلفُّو ويدورو عليهم... مالو ما قدَّم استقالتو وحِرِد ومشى قعد عند أهلو؟.... إلاّ يكون خايف تبقى عليهو حكاية حردان السوق منو البيرضيهو... من دي ما يخاف تب ح تجي أمريكا من هناك وترضيهو وهو عارف كدي...غايتو أنا إن اتفقت مع زول ولقيتو بيستهبل علي وشال الاتفاق وراماهو البحر... طوالي أفرتق الاتفاق وأمشي منو؟... أنا حاسي إني مسعولة مني أربعَ حكومات... واحدة حكومة الوحدة الوطنية... وتانية حكومة الموتمر الوطني وتالتة حكومة الحركة الشعبية.. ورابعة حكومتي في البيت... وكلهن قاعد أخاف منهن... غايتو حليلن من حقِّي يوم القيامة.. وماعافي ليهن كان الفي السهلة واللا العندي في البيت" بهظِّر والله يكفينا شر الما نقدرا" ... ناس الحركة قالو أمرقو وسيرو معانا وأمشو.. نمشي وين؟... قالوعشان نقول للحكومة إنتي إتلومتي.. طيِّب ... ما منكن نرسل للحكومة رسالة موبايل ونقولها إتلومتي؟ والله المشي دا فترنا منو... أنا من كريعاتي ديل عرفن المشي لي حسِّي ما قالن أحي يا العافية... فرد مشية... وحالف تاني مشي ما منو فايدة ما بمشيهو.. وباقي الكليوهات حقَّات المشي الباقيات لي من رصيدي بمشيهن في شيتن فيهو فايدة لي... وحتى المشي علي صناديق الانتخابات دي ما ماشيهو ... أها شن رايكم؟... أول حاجة أدوني راسي، أنا حكومتي منو فيكم بالضبطي كدي؟... وأسمع نضم منو فيكم؟ وأصدق منو؟ وأكضب منو؟...تاني هام القوانين القاعدين تجوطو فيها دي ياتو قوانين؟...عليكم الله أنا خلُّوني، أمسكو أي زول في الشارع ماشي ومشلهت ورا لقمة عيشو وأسالوهو من القوانين دي ... إن جاوبكم تعالو إنتو الأربعة حكومات وعضُّوني في نص راسي.... وبعدين ناس البوليص وناس الأمن الخاص والعام وغُفرا الإستبيليات عندهم خبر بالقوانين دي؟... ما ظنِّيت... قُبال يومين حصلت مشكلة في وسيلة نقل عام بين مرا والكمساري... المرا نهرت الكمساري ونهزرتو وما خلت ليهو صفحة يرقد عليها، في النهاية قالت ليهو إنت قايل نفسك بتنضم مع منو؟.... فتِّح عينك.... أنا بوليصة .... بوليصة عديل كدي.... وِكت قالت النضم دا نحنا كلنا الفي الحافلة فتحنا عيونا ولي حسي ما قادرين نغمدن.... قفل الباب:- قد أطال الوقوف حين دعاني ليلمّ الأشواق عن أجفاني فأُدن منِّي وخد إليك حناني ثم أغمض عينيك حتى تراني
[/b]
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن