من طرف طارق احمد الأحد يونيو 06, 2010 2:14 am
الامبراطور.... مطرب شاب.... يطلق عليه معجبوه الامبراطور... سمعتو صدفة وأنا استغل إحدى وسائل المواصلات والتي يصر سايقها على أن يُسمعك البيسمعو هو وفوق عينك.. وبعد دا يلم فيك الكمساري ممكن ينهزرك لأبسط سبب...يبقن عليك اتنين تسمع بالقوة ونهزرة بعد مرات في صمة خشمك... المهم سمعت الوليد وهو بغني في غنية بتقول"الجاب لي أخبارو قال لي البكا أزى عيونو"... توقعت بعد الكوبلي الاول ان يتعاطف الامبراطور مع الزول العيونو اتازت دا...فوجئت بانو اخونا شمتان في الزول وبيقول ليهو البكا ما كفاية عليك.... ما عارف تاني داير ليهو شنو؟... إلا يكون داير لو دقة...واللا يلم فيهو زول مضر ويكشح لو موية نار في وشو...واقترح عشان الغنية يكون فيها تشفي مسؤول يقول: الجاب لي اخبارو قال لي موية النار ازت عيونو وصاطت زينتو....... ولخبتت نخرتو مع سنونو الحمد لله اتعولق واتخوزف وتاني لا يخوني ولا اخونو .. الحاصل شنو يا جماعة؟... بقينا نصفي الخلافات الغرامية بعنف كدا ليه؟ .. البستطيع بيدو موية نار وبنية ودق وشلاليت.. وفي غنية بتاعت مسدس ورصاص واسلحة نارية... ومن لم يستطع فبلسانو زي اخونا الفوق دا يداعي في من كان حبيبو في يوم من الايام واداهو شاكوش... صراحة الشاكوش حار لكن ما لدرجة الزول يفرح بي اذية الاداهو شاكوش... ومن لم يستطع فبقلبه..... يادعيهو في السر.. وكل ما يرقد فوق العنقريب على قفاهو يرفع ايديهو يشحد في الله انشا الله باكر دي عريسك يدقك واللا تعرسي ليكي بعاتي ياكلك زي الزول الاكل عروسو داك.... كمان دا قصة تانية زول يعرس زول عشان ياكلو؟.... الحب الحقيقي مهما كان الظلم الفيهو ما بيصل درجة زي دي ومراحل اذية وتشويه..والا نكون فاهمين الحب غلط.... وبعدين الزول البيفوت يخليك دا اصلك ما تبكي عليهو ولا تزعل لأنو ما بيستحق... بعدين ما تخلي المغسة تسيطر عليك وتوجهك... هي مغسة فعلا ًلكن اصبر قطعاً ربنا يعوضك احسن منو.... واللا شنو نضمي دا ليك؟...." قوم غسل وشيك دا وأُكلك شي تنفعك انت ليك تلاتة يوم ما في شي دخلت حشاك....واصلها الدخلت عليك تدخل علي العدو...."فقرة من وصايا ام لابنها المشوكش" أرجع للامبراطور.... الزول دا متين بدا يغني؟ لحدي ما توجوهو امبراطور.... مافي اي حاجة اقل من كدا؟.....يعني بكرة بعد بكرة لو ظهر زول تاني ودايرين نديهو منصب ح يكون منصب امبراطور مشغول؟... كدي روقو شوية... سموهو الكوتش او المعلم.. او اي حاجة ممكن زول تاني يلقى طريقة يشاركو فيها.... بعدين سألت عن غناهو قالوا لي غناهو كلو كدا... يلم في الزول البيحبو ويقبل عليهو يداعيهو ما يخلي ليهو صفحة يرقد عليها... والغريبة هو يداعي انشا الله يبقى بيك ويبقى بيك.... وتلقى شباب وشابات يرقصوا ويكوركوا مبسوطين وفرحانين... معقولة كلهم بتتبسطوا للأذية كدا؟.... الله يكضب الشينة ربنا يجيب العواقب سليمة..... قفل الباب:- ماذا يكون؟ حبيبتي ماذا يكون؟! يا جرح دنياي الذى لا يندمل يا من تركت القلب ينزف فى أنين حسرات لحظات تولّت في وجل كصدي يطير مضيّعاً عبر السنين
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن