من طرف طارق احمد الأحد يونيو 06, 2010 1:31 am
حمدان ود كتّر خيرو..... مطرب قادم من الاقاليم...اجرت الحوار المذيعة ولاء ام فريحانة.. فلاش :- المذيعة تبتسم باقصى خشُما... حمدان ود كتّر خيرو خاتي جُضمو فوق العود ويصوط في الاوتار بيدو اليمين ويدو الشمال تقرّط في المفاتيح ورا...المذيعة وهي تضحك: يسرنا ان نستضيف.... المطرب الصاعد " حمدان ود كتر خيرو.... هئ هئ هئ".....يلتفت اليها حمدان ويقول" حمادة حمادة.. غيرت اسمي لي حمادة.. حمادة جبجبة ".... المذيعة " عفوا حمادة جبجبة.... غيرت اسم ابوك برضو؟ هئ هئ هئ... طيب يا حمادة ممكن يعني تورينا متين بديت تغني "...يرفع حمادة راسو من العود ويقول وينفخ سدرو متبوعة بآآآآآآآح...." من صغير صغير شديد.. وانا راكب حمارتنا وماشي علي الحواشة.. كنت بغني فوق الدرب لحدي ما اصل ابوي.. واديهو الفطور وفي الرجعة برضو.... سمعني اللمين ود مُنجل السِعدة.. وقال لي يا حمدان انت حسك سمح وقاعد توقّع الغنا دحين اخيرك تقع البنادر وتغني هناك وقالو لك الغنية الواحدة هناك بالشي الفلاني ولا بتتعب فيها .. اها من ديك طبقت عودي في اباطي وضربت البنادر".... تضحك المذيعة ولاء بدون سبب كعادتها وتقول" يا حمادة .... انت عمرك كم سنة؟"... يعاين لها حمدان ويقول" هسعتية؟؟"... ترد ولاء " نعم؟" يقول حمدان" اقصد عمري هسع واللا متين؟" .. ولاء" ايوا هسع كم؟" يرد حمدان" والله ما بقدر احددو ليكي بالظبطي كم؟... كان عشرين واللا كان خمسة وعشرين... لكن المرة الجاية بجيب لك الاكيدة من امي واجي احدسك"....ولاء وبرضو تضحك" يا حمكادة انت في البيت بتغني لي ناس البيت لما تكونو براكم؟""... يرد حمدان" اييي بغني ليهم كان برانا واللا كان معانا زول... كلنا نقعد في الراكوبة واغني ليهم امي وابوي وخلاتي وعماتي.... وابوي لما يتبسط من الغنا وينطرب يقوم علي حيلو ويمسك راسي ويعضيني فيهو.. حسع راسي دا عاينتي ليهو كلو عضعيض... من ابوي.." يدنقر المطرب حمدان ويوري المذيعة والمشاهدين راسو واثار العض الفيهو نتيجة لطرب ابوهو.. تقول له ولاء وهي تضحك والمرة دي بسبب" يا سلام ابوك راجل فنان والله... لوحة .. لوحة في نص راسك....العض زاتو ماخد شكل سيريالي في نص راسك.... ممكن تسمعنا غنوة؟ ".... يقول حمدان" بسمعك... واهدي الغنية للاهل واقول لامي القاعدة تشوف فيني حسي زحي من جنب ابوي عشان انا لو غنيت خايف يقوم يعضيكي في راسك.... " ثم يمسك العود ويغني:- يا الجنك منخوليا...ومتلحانا بجياتك متين نشوف جديدك ونشوفهم يخمجو في الطين جنياتك ثم يكسر الغنية بي :- ناس شنب البعوضة ... وندلا من الكبري... ونقطع البحر...ناس كراع النملة الشعرهم سبيبي مافيهو قملة... ناس اضان الجندبة.... المرتهم راجل للدنيا مسردبة... ونتشعلق في الكبري.. وتاني ندلى من الكبري .. ونغير راينا ونرجع نركب الكبري...ثم يختمها بي عووووووووك!.... وفي هذه اللحظات التاريخية وبعد ان تطرب المذيعة "ولاء" تمسك راس حمدان وتعضيهو ... قفل الباب:- أوتعلمي يا حلوتي أوتعلمي اني حملتك في دمي في خاطري ودفاتري في همستي في خلوتي في ضحكي وترنمي طيفا يلاحقني قيملؤ عالمي.. أوتعلمي
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن