طارق احمد- نائب المشرف العام
- تاريخ التسجيل : 12/02/2010
عدد الرسائل : 152
من طرف طارق احمد الأحد يونيو 06, 2010 1:14 am
باللوال أحب أن اتبوبر شوية بأنني امتلكت مؤخراً موبايل فيهو رادي وسماعة أركبها في إضنيّ واقعد أسمع للإذاعات المشرورة على موجة الإف إم للمعلومية دا الموبايل التاني فيهو رادي امتلكه خلال حياتي.... وبينما أنا في قمة بوباري استمعت إلى غنية خلف الله حمد...." أنا بالتمني ديمة هديلي ساجع... ما لقيت لي مغيث ولا لقيت لي مراجع " الحقيقة الغنية سمحة ورائعة.... لكنني عبتّ على الشاعر استهبالو لينا... بانو يعاين فيهو ويضحك ويمشي يجيهو راجع.... متلاعب ليس إلا ما موضوع مطامع.... أولك بالتبادي نشوف موضوع المعاينة والضحك والجري، وتاني يجي يعاين ويضحك ويجري وهكذا... دي شغلة بتاعت زول ما نصيح ومهبوش... يعني واحدة زول بيحبها يقعد يعاين ليها ويضحك، ويقوم جاري وتاني يجي ويعاين ليها ويضحك ويفك البريق... دي لو ماسكلبت وكوركت ولمت ناس الحلة... أبسط حاجة ح تتلحس وبرضها ح تعاين وتضحك وتقوم جارية... هو قال دي متعة بالنسبة ليهو... وداير يقنعنا إنو القصة كلها هظار في هظار لكن الهظار الزي دا مو سمح! بيجنن.. والله اعلم تكون الزولة دي لي حسي نصيحة.... بعد شوية قال الشاعر اقيس الفم بودعة والقى الودع واسع.. واقيس الليل بشعرو والقى الفرق شاسع"... طيب زول جاب المتر حقو وقعد يقيس في الودعة وبعد شوية قعد يقيس في الخشُم أها دي باقي لكم شغلة زول نصيح؟.... وبعدين الشعر ممكن يقيسو بمترو دا الليل دا يلقى لو متر من وين عشان يقيس بيهو... وبعد دا يجي يقول لينا القى الفرق شاسع ... لكن نحن ناخدو قدر عقلو ونقول لو صاح والله....نحن برضو الأعقل والأوعى.. والزول في ذمتنا... لكن المشكلة الزولة الكان بعاين ليها ويضحك ويقوم جاري دي تكون سوت كيفن يا ربي؟... هذه الغنية ذكرتني قصيدة وقد سبق وأن ذكرتها في مكان ما ولابأس من ذكرها مرة تانية للتذكرة... وهي قصيدة كتبها أحدهم وهو يشكر في محبوبته ذات العيون الواسعة الجميلة... وكان يقول وهو يتغزل بها:- المفدوعة..... مطيّرة عيونا سماحة مو مخلوعة....... يا ناس...... وهنا نجد أن صاحبنا الشاعر قد صبغ على طيّر العيون صبغة السماحة... وفي النهاية استنجد وقال " يا ناس"... وقد نفى عنها صفة الخلعة والهجيمة... والتي قد يتخيّل الناظر إلى هذه المرأة ذات العيون المطيّرة أنها مخلوعة من شيء ما أو هناك هجيمة وقعت فوقها فاتهجمت ثم طيّرت عيونا والطيرة الياها ليومكم دا... لكن الحكاية وما فيها أن عيونا مطيرات سماحة وخِلقة ربنا.. الجدير بالذكر أنّ هذه القصيدة قد أدت إلى كسر كراع المفدوعة صاحبة العيون المطيرة... وقد اذكر القصة في سانحة أخرى إن ربنا أدانا عمر... قفل االباب: الناحر فؤادي موقد جوفي حر اضرّم نار وجدي نسام السحر... |
| |
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن