من طرف طارق احمد الأحد يونيو 06, 2010 1:06 am
كان ساسة وحكماء وفلاسفة بيزنطة يجتمعو تحت قبة برلماناتهم ومنتدياتهم ويقعدو يتغالتو.. دورة برلمانية كاملة ممكن يتغالتو في ضنب الكلب هل الكلب بيهز ضنبو عكس عقارب الساعة واللا مع عقارب الساعة... والمغالتة من غالت مغالتة فهو مُغالط او مغلاط.. والرجل المغلاط هو الذي يغالطك في ضلك... ويصر ويلح ان هذا الذي يتبعك ليس بظلك.. بل دا ضل الكديسة حقتكم... ويحاول بشتى السبل ان يقنعك بانه ضل الكديسة...بمناسبة الضل سبق وان فقد ضلي بوصلته.... يعني بقى ياخر ... مثلا اكون واقف... ولما اقعد الضل حقي يقعد بعدي بنص ساعة.. وتخيلو لما الضل اكون ماشي في الشارع وهو لسه في الحمام... وهكذا ... الا ان رحمني الله برحمة من عندو والضل ظبط معاي الظبطة الياها......النضم القلتو دا نوع من الجدل البيزيطني..... تأخير الضل! وهي نظرية غلاطية فلسفية... كنت في رحلة الي حي من احياء العاصمة الطرفية عشان الحق فطور رمضان .... ركبت هايس وقد منّ الله علي بكرسي جنب السواق.... سلمت وقعدت واتوهطت السواق ما رد علي السلام ما عارف سمعني وطنشني واللا ما سمعني غايتو ما بجزم...عدم ردو خلاني اتمعن فيهو بطرف عيني طبعا ..... ذو وجه طويل عليه اثار بقية من عوارة طفولة و يمتاز بحنكات احتلت تلتين مساحة الوجه الغير بهي ... لابس جلابية وطاقية ... لما يسوق في الزحمة ويكون داير يتخطى عربية يعضي لسانو وهو مكنكنش في دريكسون العربية ...وهي لحظة وجدانية قلما تنتاب سواق حريف.... سالته وانا احاول ان استسعر واقنع نفسي بان هذا السواق عضاض لسانو سواق اليف ويمكنني ان استأنسه.. سالته" بالله لما تجي جنب مسجد التيجانية عليك الله نزلني هناك".... تخطى السواق العربية القدامو .. وفكا لسانو من العضة وانا حمدت الله لانو بصراحة كنت خايف علي لسانو..وقال لي" يا زول جامع زي دا ماسمعت بيهو وما بعرفو.... اكضب عليك؟"... قلت لو ما تكضب علي والله ما جاب كضب..قبل علي ورأيت في عينيه شرر يتطاير ... " دايرين اقول لك بعرفو ..مش؟.. نوعك دا انا عارفو.... دايريني اقولك بعرفو وتمشي اهلك تخلف كراع فوق كراع و تتونس وتقول الخير سواق الهايس قال لي بعرف الجامع وطلع ما بيعرفو؟...." حاولت ان اطيب خاترو" يا زول والله ما بقول كدي والزول الكضاب واضح وانت زولن باين عليك صادق" قال لي وهو يضحك بتهكم" صادق قال... تلقاك حسي في سرك قلت الزول دا كضاب وصعلوق وبلفها كمان"... بهت ثم عرقت ثم جف العرق ثم وصلت الي حيث مقصدي.. قبل ان تنتهي لائحة تهم الخير سواق الهايص .. والتي يعتبرني فيها قد اتهمته بها.. وانا في صمة خشمي قفل الباب: التجي من السما..... تحملا الواطة
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن