من طرف طارق احمد الأحد يونيو 06, 2010 1:03 am
فلان راجلن ضو..... يعني زول قِدامي وأخو اخوان وتلقاهو في الملمات والإحن والمحن... وعلان ضُلمَّة زول كعب ما منو اي فايدة ورمدان...وتيمناً بالراجل الضو تلقى زول اسمو الضو... ولو كان أكثر خصوصية يكون إسمو ضو البيت..... وزول اسمو الضاوي والضي ومضوي... كلها ضو في ضو وانارة ..اسمو الضو بدون دفع مقدم لا قرش لا تعريفة وبدون جمرة خبيثة......كنت قايل صراع الكبار بيقيف عندهم براهم ..؛ لكن لقيتو حتى الناس الصغار إنقسمو مع الصراع .. مع فلان وضد علان حزب فلان ومجموعة علان.....ولدّت توربينات اسامة عبد الله كهربا ذات ضغط عالي.... هباشة مكاوي خلتو تضربو كهربا منها وتشوتو وترميهو برا دائرة الصراع والله مكاوي حقو يفرح مالو يتحمل ذنب كهربا قطعت وتلاجات حرقت وتلفزيونات طرشقت وزول لدغتو عقرب في الضلومة لما الكهربا كانت قاطعة وشافع جرحتو قزازة لما الكهربا كانت قاطعة دي كلها ذنوب ومكاوي لو حسبها صح يلقى نفسو هو الربحان في الآخرة ..... اما نحن يا المواطنين العادين.... نحزن لما الكهربا تقطع ولما ترجع الواحد فينا يفرح وينطط كانو ولدو ليهو ولد..... والفرح بي جيَّت الكهربا ثقافة قديمة قدم تعلم المسعولين ومنافسيهم الغتاتة من ايام المرحوم نميري ...... الكهربا والموية هستيريا الفرح الجماعي تصيبنا كلنا الموية جات حضرو الباغات.. وفي رواية اخرى حضرو الجركانات... حتى اننا عدنا نؤرخ بقطع الكهربا.. والله فلانة ولدت وربنا حلاها ساعة الكهربا كانت قاطعة. جابت تيمان الاول مرق والكهربا قاطعة والتاني حلف ما يمرق عِلا الكهربا تجي قال مكجّن الضلومة وما داير يبدا حياتو في الضلومة ..وفعلا مرق اول ما الكهربا جات ومرق فرحان جنس فرح بي جيَّت الكهربا... عِلا المسعولين في الكهربا يكون اتلومو في تأخير مواطن سوداني داير يجي الدنيا ورفض بسبب قطع الكهربا....واللمين الله يرحمو رقد عيان طوّل والبارح مع قطعت الكهربا روحو مرقت ..... وعلاء العريس مشى الكوافير يجيب عروسو قومي يا الكهربا أقطعي ويا علاء خم ليك عروس تانية من طرف الكوفير وأمشي علي أهلك وبكان الحفلة وجات الكهربا ففرحت العروس وضحكت بملء فِيها واتخلع علاء وشكك في اهل العروس انهم بدلوها ليهو العروس حقتو عندها فلجة اما دي فسنونا مخلفات ولولا حضور العريس الاخر وجاي سايق عروس علاء الاصلية لقامت حرب ضروس إما في الكوافير ومع قطعت الكهربا وفي الضلومة كانت فنية الكوافير على عجلة من أمرها فركبت الرموش الصناعية في نخرة إحدى العروسات وهي تمتدح عين العروس المافيها لابياض ولا ود عين وتردد بيت الشعر" العيون التي في طرفها حُـفـُرُ!" ...والزين داير يطلق مرتو الكهربا قطعت قال ليها محظوظة إنتي بس الكهربا قطعت وانا ما داير اطلقك في الضلومة .. اطلقك في الضو عشان الطلقة تبقى باينة بينونة كبرى وواضحة وضوح الشمش... ومافيها اي لكلكة...صراع اسامة ومكاوي يخلينا نقعد جنب ستات الشاي وننضم كُتُر الناس ديل مُشَّكلِين ونَفسُهم قايم وحِسَهم مارق السهلة دي فوق كم؟.... الشي دا مو كلو شغل حكومة؟...مالم مقابلين بعض؟...الناس ديل يكونو يا ربي حريصين لي هان قدر على مصلحتنا لحدي ما يخسرو بعض؟ ربنا يطول أعمارهم ويغتي عليهم ويمشو يتكاتلو في موقع آخر لمصلحة المواطن......... قفل الباب:- كان اللمبي قالت بق تبقى اللمبي دايري الدق كسرها فجخها دشدشها يبقى ليك الحق
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن