من طرف طارق احمد الأحد يونيو 06, 2010 12:57 am
هناك من الناس من لا يستطع ان يعد ساكت بدون مشكلة... او شبك... اوحتى ان يرى شبكة ويقعد يتفرج... انظر حولك وتمعّن جيدا.. تلقى واحد يكون زهجان ويسلم على إبليس بين الفينة والاخرى ومتحفز عشان يشاكل أي زول يعتر لو فوق دربو...اول ما يسمع او يشوف شكلة او جوطة تنبسط اساريره...ويفرح ويفرك ايديهو ويقوم جاري علي مكان الشكلة... مثل سرى على اهلي الجعلين.... الجعلي يقضي يومو خنق... او مخانقة.... يعني اليوم كلو شايل عكازو ويقعد يشاكل ......... يكون خانق زول ويهدد في زول تاني ويقول ليهو اصبر خليني اقضى من الزول التحت يدي دا وعُقُب بجيك انت تغيب الشمش يمشي البيت ينوم استعدادا ليوم جديد من المخانقة..... وهكذا.... الي ان يقضي الله امرا كان مفعولا...ومن النساء من لا تستطيع ان تعيش في سلام مع نفسها او مع من حولها من مخاليق الله..حكوا انه كانت هناك امراة تحب الشبك وهي مربية ماعز..... لو ما لقت زول تشاكلو تمشي الزريبة وتمسك الماعز ديل واحدة واحدة .. وتهرج وتضرب في الضهر وفي الصفحة وتلعن" انتي .. انتي الله يقُصك" لحدي ما تتفشى ترجع البيت....وامعانا في الشبك اطلقت اسم" البائرة" على كلبتها عشان تكاوي بيها جارتها الغير متزوجة والتي تعدت الخمسين من العمر والتي دائما ما يكونن في معارك...بمعترك وبدون معترك....كانت تنادي كلبتها بصوت عالي عشان تسمع جارتها " البائرة تعالي اتغدي... مالك حردانة؟.... انتي قايله الحرداب دا بجيب لك عريس.. .. جي ..سجمك!... وحات الله يبقى عليكي جوع ساكت.. اخير لك تاكلي لك اكلن ينفعك"... او تقعد تلوم كلبتها على الحوامة والدواحة وهي تعني جارتها" البائرة تعالي كنتي وين من الصباح....؟؟؟ انا ما قلت لك الحوامة دي خليها... اقعدي واتعصري في واطة الله دي كان يجيكي عريس...."... وعندما بغلت هذه المراة الشبكة من العمر عتيا ان اصبحت حبوبة... كانت تشاكل مع اولاد بنتها شفع الحلة..... في صبيحة يوم ذي متربة وكتاحتو قايمة صحى ولد بنتها من النوم وحكى ليها انو حلم ود الجيران الاسمو عصام شرط ليهو جلابيتو الجديدة حقتو.... تلبس المراة الشبكة توبا وهي تكورك في الشارع متوجهة الي بيت ناس عصام عشان توريهو هو وامو الما ربتو المكشن بلا بصل..."اصلي انا عارفاهوعصام اب دنيقيس دا حاقر بي ود بنتي...حتى في النوم... في النوم لاحقو ويشرط لو جلابيتو الجديدة... " ثم تدخل وتنشب معركة حامية الوطيس بينها بين ام عصام...و ينقعد مجلس الصلح من رجال الحلة ويصلحوما بينهن ... ويقرر المجلس انو ود بنت المرا الشبكة دي لو حلم أي حلم يعرضو على المجلس اولا.... ثم بعد اجازته من المجلس يعرضو على حبوبتو... خوفا من الشبك والمشاكل وحرصا على السلم في ربوع لحلة... قفل الباب:- صدري مزماري والدموع شُربي انطرب كلما ذكرو يخطر بي
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن