الرئيسية
كتب : دكتور / عادل صادق
قبل قدوم التلفزة الي السودان وانتشارها في كل أرجائه.... كنت أتعجّب من شخص يتابع مباراة كرة القدم بالراديو.... وينفعل ويتفاعل مع المبارة وينعل ويسخت ويسب...ولمّا المذيع يقول فلان في خت ستة وفلان في خت عشرة الزول البيسمع يقيف علي حيلو ونفسو يقوم .. وأنا أعاين ليهو وكلي حيرة ودهشة .... وبيني بينكم أحياناً أصف هؤلاء السمِّيعة بالعبقرية حيث أنني عجزت تماماً عن متابعة ما يستمعون إليه.. وكل ما أحاول أن أتابع أفشل في المتابعة.... ربّما يكون عودي في الكورة عود مرا... وعود المرا أقل شأناً من عود الراجل في العُرف الاجتماعي والميراثي المعروف لدينا" يعني دا ما نضمي أنا " عشان ما يجونا ناس حقوق المرا وحقوق الإنتاية وليه للضكر حظ الانتايتين؟؟؟ ويدخلونا في ضفورنا وما نعرف نسوي شنو؟..... المُهم.. الكورة ما زالت تثير حيرتي... وما يُصرف من مبالغ طائلة......تشجيع الكورة خصوصاً .... أكرِّر أنني لست من المعجبين بالكورة ...ولا أحب الخوض في غمار مساجلاتها، وسجالها، وجدلها وجدالها .. ومغالاطاتها، وجوطتها، وحرق الأعصاب في الفاضي على حسب وجهة نظري...واستغرب جداً واتحير إلي حد المحنة ... في زول يموت من سكتة قلبيه ويفارق الدنيا وحبِّانا.... عشان هدف دخل في مرمى الفريق الذي يشجِّعه المرحوم....في حين إنو لو جابو ليهو خبر وفاة أُمو أو أبوهو ما تجيهو أي عوجة ويقعد يفكر في الكشف ومصاريف الفراش.. واتعجّب في زول يغمر ويغبِّي عشان فريقو اتغلب..واتعجّب من زول يحرد الأكل والشراب تلاتة أيام بلياليها عشان فريقو اتهزم ...استغرب في زول يخاصم ويحارب أخوهو أسبوع كامل وما ينضُم معاهو عشان فريق أخوهو غلب الفريق البي يشجِّعو هو...وأخوهو الله يهديهو قعد يكاوي فيهو، والليل كلو يبلدلو في زقاق في البيت، وكل ما يجي ماشي دا ينط قدامو ويقولولو" واااااااارقو" .... في رأيي المكاواة ما سمحة ...أعرف جار لينا لمّا الفريق البيشجِّعو انهزم تلاتة طول الليل شايل عكازو ويدق في الكديسة حقتهم... تدخّلنا أنا وأهل الخير وأوقفنا عملية التعذيب للكديسة المسكينة... ولما سألنا عن سبب زعلو من الكديسة الغلبانة دي شنو؟.... قال: الكديسة دي ما عندها أدب ... كل ما تجي ماشة بعندي ما بتقول" نجاووو".... زي باقي كدايس ربّنا ..... قاعدة تقول " تكسي"....قلت ليهو طيب ما تقول تكسي يعني شنو؟.... حسيت إنو الزول زعل منِّي فاعتذرت ووصفت الكديسة بقلة الأدب برضو.... رجعنا منِّو وفي الشارع ناديت واحد من جيراني وهو ذو باع في الكورة، وتشجيع الكورة، وصاحب رأي سديد وسألتوعن سبب غضب جاري العزيز من كلمة "تاكسي" الأخدت فيها الكديسة العلقة.... وضّح لي مشكوراً إنو الفريق اللي هزم فريقه هو أصلاً فريق نقابة سائقي التكسي في بلادهم.... فتأبطت عكازي ومشيت عشان أدبّل للكديسة قليلة الأدب دي الدقّة، مؤازرة ووقوفاً بجانب جاري ضد مكاواة الكديسة..... قفل الباب يا فؤادي لا تسل أين الهوى كان صرحاً من خيالٍ فهوى اسقني واشرب على أطلاله واروِ عنِّي طالما الدمع روى
منقوووووووووووووووووووووووووووووووول
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن