من طرف طارق احمد الأحد يونيو 06, 2010 12:45 am
حتى في الإعلانات لا نخلو من شتارة ... ومن مساخة وفطارة... زيها وزي أي حاجة تانية... الإعلان فن.. وفي الفنون فن صعب.. إنت بتعلن عن شيء عشان ترغب الزول فيهو ما عشان تكرهو فيهو.. بصراحة في بعض السلع أنا كجّنتها قُبال ما أجربها ودا كلو سببو الإعلان.. المعلن بيفتكر إنو اتقطع وقلب الهوبا لما سوا الإعلان.. في الحقيقة هو قتل السلعة وشوه سمعتها.. ويجي الزيي الزهجان دا أول ما يشوفا يصرصر ويلعن السلعة ونوعها وكل فصائلها.. ويكون ما جرّبها ولا شافا بي عينو إلا من الإعلان عنها.. كمان برضو استلاف الأغاني وألحان الأغاني ويلبسوها الإعلان دي حاجة مقرفة حقيقة... أول حاجة بيفقدوا الأغنية معناها ويفرغوها تفريغاً تاماً من محتواها ويقرقروها ويحشوها بالنضم حق الإعلان.. وانت تقعد تهز في كراعك وتطقطق في أصابيعك ومرتك ترقص وممكن تديك شبال على أساس إنها الغنية، وفجأة تكتشفوا إنت والمرا إنها إعلان.. إنت تسكت والمرا مسيكينة براحة تلملم طرفا وخاترا يتكسر.. وتقعدوا تعاينوا لبعض.. وربما من أثر الصدمة تمروا بصدمة عاطفية قد تؤدي إلى ما لا يحمد عقباها... والسبب كلو إعلان... ونوعية السلعة المعلن عنها والنضم البتقال ما في أي علاقة لا من قريب ولا من بعيد.. النضم في الشرق والسلعة في الغرب... وبعد مرات دعاية بلهجة نحن ما بنعرفها... السلعة سودانية مية مية... والمرا الفي الدعاية ممكن جدا تكون سورية أو شامية أو اي حاجة تانية... ودايرنها تقنعنا نشتري الشيء البتسوي ليها في الدعاية دي ... غايتو إلا نقتنع عشان خاتر مسلسل نور أو أي مسلسل مدبلج فيهو ناس سمحين.. غير كدي ما في أي طريقة تقنعنا.. وديل برضو ما بيقنعونا.. وممكن تكون دعاية عفش جايي من الصين والغناي في الدعاية شايقي.. والغنية شايقيي... والنضم شايقي ... والبضاعة صينية! وانت ما عليك إلا تلايق النضم مع البضاعة وتشتري بالنية.... والنية واصلة .... وناس ممكن يحلموا وهم قاعدين قدام التلفزيون إنو يكون عندهم فيلا والبوهية ترمي المرا وتكسرا والعربية... ختراتها كشافة .. وغرف النوم من تدخل العوضة تنعس... وفجأة تكتشف إنّك أُصبت بعقدة الديك زلوط الذي سبق وأن كشفت عن شخصيته في مقال سابق ... وتلقى دعاية سيوف وعرضة ونطيط فنجيط وأسد قام وأسد قعد... وفي النهاية تكتشف إنّها حلاوة لبان... أما ناس الاتصلات أصلو ما بيدوك فرصة أي تأويل.. الدعاية عديل ودوغري... وكدي أخير وأريح! قفل الباب:- لم أدر ما طِيبُ العِناقِ على الهوى حتى ترفَّق ساعدي فطواك وتأَوَّدَتْ أَعطافُ بانِك في يدي واحمرّ من خَفَرَيْهما خدّاك
الرئيسية
» اليقين والتوكل علي الله
» شركة تشطيبات فى المهندسين (شركة تراست جروب للتشطيبات )
» شركة تصميم ديكورات (شركة تراست جروب للتشطيبات والديكورات)
» افضل شركة تشطيب (شركة تراست جروب للتشطيبات والديكورات )
» صور ديكورات(شركة تراست جروب للتشطيبات والديكورات 37623103 )
» شركات الديكور فى مصر(شركة تراست جروب للتشطيبات والديكورات )
» وتتوالى نجاحات المكملات الغذائيـــة لمراكـــز الهاشـــمى للا
» البعرف ده ليه جائزة
» ملف صوتي - مرثية هاشم - إلقاء معز عوض
» قلوب لاتعرف النسيان
» التوافق بين العقل والقلب
» فضل صيام يوم عاشوراء ( العاشر من محرم)
» أي العبارات التالية تؤلمك
» رســـــالة إلى عاق الـــوالـــديــن