من شوارد الصلوعاب ... رحلة فطور

من شوارد الصلوعاب ... رحلة فطور

كلمات : الشاعر عباس عبد الله بخيت

بي مترة عبيد الحلوة شاقة البورة

تقدل ليها الحق الملكة شايلة فطورة

الخلاني اكتب فيها لاعن حــوله

مسكت تقنت الباشاب مع ود نــــــورة

********

سدرت تاني فوق بي سنظة البي كيفو

خوفي عليها من بحر الدميرة وقيفــــوا

انتي جنى الغزال يقدل يعيش على كبفوا

يحفظك الاله من الخريف لا صيفوا

************

قدلت مسكت المرن البشق المارحة

متواضعة جلست تستريح جنب السعية السارحة

تشرب بي مزاج ..؛ اللبقة كاسرة وطامحة

يحفظك الاله يا بت بلدنا الفالحـــــــــــــــــة

**************

مسكت مفرق الخور المقابل البورة

هبدت مسمس الباشاب وود قــــــــــــــــدورة

ما قالت سلام في ايده شايلة فطورة

حيرت البعيد والشافه قال معــــــــــــذورة ؟؟

روائع يا الرازي وجميل جدا ان تستنطق هؤلاء الشعراء العظام امثال صلاح و عباس بارك الله فيك ومزيدا من الابداع الجميل
ونشكر الاخ عباس عبد الله بخيت وهذه التحف الجميلة بس بيني بينك اسال لي عباس ده من اكيد عمتي امنة

من المؤكد يا اسامة هي احدى حسناوات الصلوعاب الاكبر سنآ ,,

الشكر أخي أحمد علي أكتشاف المواهب وشعراء والتحية للشاعر المبدع أبن عمي عباس عبدالله (دقشين) التحية لك أيها الرائع المبدع طبعا قصيدة حلوة جد وأكيد في ألاف القصائد نرجوا منك المزيد المزيد يامبدع والتحية للشاعر الكبير أبن عمي صلاح عبدالله قرية الصلوعاب تفتخر بأمثالكم ربنا يديكم الصحه والعافية