دقة جيش ودقة مطرة !!
إن شاء الله البقت عليكم ما تبقى علينا !!وإن شاء الله دق العيش وضرب الجيش لا معانا لا جنبنا.. وإن شاء الله (الفي مرادكم) تتبالوا بيهو براكم.. والفي دفاعكم تتأذوا بيهو براكم والفي هجومكم إن شاء الله مرض لا بعادي ولا بمشي غادي!!ده شنو ده ؟!! إن شاء الله أجانبكم بعيدين مننا وبي جانبكم.. وإن شاء الله نفطيكم في مواسيرو.. والله يدينا بترول غيرو.. ولاسانا إن شاء الله ما معانا وكاساروغا.. شرو بره وبعيد.. إن شاء الله ما نشوف لاعب زي السعودي سعيد.. وإن شاء الله حال الهلال أصلو ما يكون زي حال محمد كمال..ده شنو ده ؟!! إنتو بتجيبوا الحمام الميت ده من وين ؟؟؟ أنا ما قاصد لعيبتكم!! عشان عارف بتجيبوهم من وين.. أنا بسألكم من الجيش ده !والله أنا كنت خائف جمال الوالي ينفعل ويلعب رأس حربة!! والله بي جلابيتو دي كان بقى هداف الكونفدرالية !! بس وارغو يلعب ليهو الكورة سريع !! اللف والدوران ده كلو في شنو ؟؟ لكن برضو أخير من النفطي !!العريس واقف لي ( لبلنتي) زي التقول عايز يصور !! ده شنو ده !!إن شاء الله البقت عليكم ما تبقى علينا..لا دقة مطرة ولا دقة جيش؟؟فترنا يا قريش من قولة معليش !!ما قلنا ليكم.. الكورة أقوان وحماية أقوان..جايين بمحمد كمال ووارغو !!يا اخي إنت ما تفارقو !! على الأقل خليهو احتياطي بدل جنس الإساءات دي..أول مرة أسمع لي جمهور بهتف لي فريقو: ( الليق الليق يا عواليق) يعني المباراة الجاية ممكن تكون في الليق بناء على رغبة جمهور الصفوة !!لكن ياتو ليق ؟؟؟؟غايتو ناس أمدرمان عندهم حق المكان .. لو ملعب المسالمة مشغول.. ليق الثورة جااااهز ..وإن شاء البتبقى عليكم ما تبقى علينا..ده شنو ده ؟؟ نحن الليلة جايين .. نضرب شمال ويمين .. بس صراحة خائفين.. ما الكورة السودانية بقت (تطمع) الضيوف فيها..هسة ناس (كابس يونايتد) ديل كانوا جايين (مكبسين) فتحتوا ليهم عيونهم.. يقولوا ليك طالما ده المريخ ود عم الهلال.. نحن ما نهاجم الهلال..خلي بالك يا عمر بخيت.. أنا عارف الواعي ما بوصو لكن تقول شنو الناس ديل حيرونا..ده شنو ده ؟؟! جنسية (غاسيروكا) دي حيرجع بيها ولا حتعملوا بيها تحويل رصيد !!
ونحن رصيدنا كبير.. أكتر من مائة مباراة لم ننهزم على أرضنا ..انتو هسه معتبرين روحكم متعادلين ولا مهزومين !!من الجيش يا همد !! والنيجري ما النيجيري كمان!!كتيرة والله ..ده شنو ده ؟؟؟!! تعالوا اتفرجوا الليلة.. بس خليكم بعيدين شوية مننا.. قالوا القصة دي بتعادي!!إن شاء الله غادي غادي والبقت عليكم إن شاء الله ما تبقى علينا ..دقة جيش ودقة مطرة..الليلة تعالوا افرحوا معانا بالمطرة..مطرة أقوان ومطرة فنان..
سادومبا يا لعاب.. مهند يا موهوب.. عمر يا معلم.. ويا المعز يا محجوب..وشعارنا في ساعة النزال.. الله الوطن الهلال .. فارق كبير بين أن تكون سوداني أصيل وأن تكون... !! يا علم الدين هاشم !!وفارق كبير بين أن تشجع الهلال وأن تشجع غيره ..الفارق كبير والحب يصنع المستحيل..إنهم يحبون الهلال ..أزرق وأبيض .. ألوان النيلين ..اللهم انصرنا نصراً مبيناً..اللهم انصر هلال الملايين ..امييين ..
السبت مايو 08, 2021 12:34 am من طرف Wadkamal
» اليقين والتوكل علي الله
السبت أكتوبر 03, 2015 11:32 pm من طرف Wadkamal
» شركة تشطيبات فى المهندسين (شركة تراست جروب للتشطيبات )
الأحد أبريل 19, 2015 11:28 pm من طرف MARINAADEL
» شركة تصميم ديكورات (شركة تراست جروب للتشطيبات والديكورات)
الأحد أبريل 19, 2015 11:24 pm من طرف MARINAADEL
» افضل شركة تشطيب (شركة تراست جروب للتشطيبات والديكورات )
الأحد أبريل 19, 2015 11:19 pm من طرف MARINAADEL
» صور ديكورات(شركة تراست جروب للتشطيبات والديكورات 37623103 )
الأحد أبريل 19, 2015 11:14 pm من طرف MARINAADEL
» شركات الديكور فى مصر(شركة تراست جروب للتشطيبات والديكورات )
الأحد أبريل 19, 2015 10:49 pm من طرف MARINAADEL
» وتتوالى نجاحات المكملات الغذائيـــة لمراكـــز الهاشـــمى للا
الأربعاء سبتمبر 03, 2014 12:38 am من طرف سراب
» البعرف ده ليه جائزة
الإثنين يناير 20, 2014 12:51 am من طرف Wadkamal
» ملف صوتي - مرثية هاشم - إلقاء معز عوض
السبت يناير 11, 2014 4:18 am من طرف wad_algmair
» قلوب لاتعرف النسيان
الأحد نوفمبر 10, 2013 11:18 pm من طرف بت ملوك النيل
» التوافق بين العقل والقلب
الأحد نوفمبر 10, 2013 11:16 pm من طرف بت ملوك النيل
» فضل صيام يوم عاشوراء ( العاشر من محرم)
الأحد نوفمبر 10, 2013 10:48 pm من طرف بت ملوك النيل
» أي العبارات التالية تؤلمك
الأحد نوفمبر 10, 2013 10:45 pm من طرف بت ملوك النيل
» رســـــالة إلى عاق الـــوالـــديــن
الأربعاء أكتوبر 23, 2013 9:16 pm من طرف بت ملوك النيل