دخول

المواضيع الأخيرة

» اذكروهم بدعوة
مسادير × مسادير Empty

السبت مايو 08, 2021 12:34 am من طرف Wadkamal

» اليقين والتوكل علي الله
مسادير × مسادير Empty

السبت أكتوبر 03, 2015 11:32 pm من طرف Wadkamal

» شركة تشطيبات فى المهندسين (شركة تراست جروب للتشطيبات )
مسادير × مسادير Empty

الأحد أبريل 19, 2015 11:28 pm من طرف MARINAADEL

» شركة تصميم ديكورات (شركة تراست جروب للتشطيبات والديكورات)
مسادير × مسادير Empty

الأحد أبريل 19, 2015 11:24 pm من طرف MARINAADEL

» افضل شركة تشطيب (شركة تراست جروب للتشطيبات والديكورات )
مسادير × مسادير Empty

الأحد أبريل 19, 2015 11:19 pm من طرف MARINAADEL

» صور ديكورات(شركة تراست جروب للتشطيبات والديكورات 37623103 )
مسادير × مسادير Empty

الأحد أبريل 19, 2015 11:14 pm من طرف MARINAADEL

» شركات الديكور فى مصر(شركة تراست جروب للتشطيبات والديكورات )
مسادير × مسادير Empty

الأحد أبريل 19, 2015 10:49 pm من طرف MARINAADEL

» وتتوالى نجاحات المكملات الغذائيـــة لمراكـــز الهاشـــمى للا
مسادير × مسادير Empty

الأربعاء سبتمبر 03, 2014 12:38 am من طرف سراب

» البعرف ده ليه جائزة
مسادير × مسادير Empty

الإثنين يناير 20, 2014 12:51 am من طرف Wadkamal

» ملف صوتي - مرثية هاشم - إلقاء معز عوض
مسادير × مسادير Empty

السبت يناير 11, 2014 4:18 am من طرف wad_algmair

» قلوب لاتعرف النسيان
مسادير × مسادير Empty

الأحد نوفمبر 10, 2013 11:18 pm من طرف بت ملوك النيل

» التوافق بين العقل والقلب
مسادير × مسادير Empty

الأحد نوفمبر 10, 2013 11:16 pm من طرف بت ملوك النيل

» فضل صيام يوم عاشوراء ( العاشر من محرم)
مسادير × مسادير Empty

الأحد نوفمبر 10, 2013 10:48 pm من طرف بت ملوك النيل

» أي العبارات التالية تؤلمك
مسادير × مسادير Empty

الأحد نوفمبر 10, 2013 10:45 pm من طرف بت ملوك النيل

» رســـــالة إلى عاق الـــوالـــديــن
مسادير × مسادير Empty

الأربعاء أكتوبر 23, 2013 9:16 pm من طرف بت ملوك النيل

أفضل 10 فاتحي مواضيع

بت ملوك النيل

دعاء

محمد جعفر محمد الحسن

أفضل 10 أعضاء في هذا الشهر

لا يوجد مستخدم

أفضل 10 أعضاء في هذا الأسبوع

لا يوجد مستخدم

منتدي الشعر و الخواطر

2 مشترك

مسادير × مسادير

اسامة احمد

اسامة احمد: المدير العام; تاريخ التسجيل : 19/10/2006
عدد الرسائل : 986

مساهمة رقم 1

مسادير × مسادير

من طرف اسامة احمد الأربعاء أبريل 28, 2010 2:49 am

MISDAR مسدار
للشاعر عبد الله احمد ابوسن
ــــــــــــــــــــــــــــــــــــــــــــ
من ستيت نويت عابيلي خترة
فوق ظهر البشاري الدومتو تترى
يسلفق في الخبيب ما جابلو عترة
جلوس ام خد هناك كل ساعة بطرى
ــــــــــــــــــــــــــــــــــــــــــــ
مسكتو الدرب ونشتو وقفي شارد
تقول كلبا سلوق لي صيدتو طارد
بعنف الكور صحيح ما نقي بارد
مشيرع البير صباح إدلى وارد
ــــــــــــــــــــــــــــــــــــــــــــ
شرب مايا قليل بسراع جبدتو
كربلو المحقبة وشديت غردتو
عدل ركبي المعاي بي الدرب زردتو
طريت اللي الجمال بالحيل نقدتو
ــــــــــــــــــــــــــــــــــــــــــــ
قبل أوشام قطع سيتيت مجري
غشيت ود الحسن شيخنا البقري
قت يا خوجلي أبو الجاز وبري
توصلني أم شليخ تبرد لي حري
ــــــــــــــــــــــــــــــــــــــــــــ
ترى أم دالات قطعها التيس وغرب
تقول ديك هضلما بالخيل مسرب
طريت الصاغ سليم ماه المكرب
متل هسع بخاف كبريتو عرب
ــــــــــــــــــــــــــــــــــــــــــــ
غشيت أولاد نمر بدي التحية
فتق لو الشد هناك ساعة شوية
حسارات أم قبيل زادن علي
فلانة الفي البنات سلكة وصبية
ــــــــــــــــــــــــــــــــــــــــــــ
فوق الدرب لبس توبي المعشرن
زملنا مخنقات كل حين يدشرن
رقادكن يا جمال عن زولي أبشرن
وجيها منطرح ماهو المكشرن
ــــــــــــــــــــــــــــــــــــــــــــ
خبك يا جمل مالو بيكسل
بشوف العاج ورا الدومات معسل
بنيتا ما بتجيك واردة بتغسل
حسارها زاد علي والقلب بفسل
ــــــــــــــــــــــــــــــــــــــــــــ
خبك مو مشيك الليلة مالك
تتقل في اليمين وتجر شمالك
بنيتا لي شيومها بشني حالك
رقادا دونا قط لا تسيهو بالك
ــــــــــــــــــــــــــــــــــــــــــــ
قطعت الليد عرق حلة كنانة
زملنا الكرت يجابدن في الرسانة
طريت مردين كديس قوز البطانة
خشيما ما بجيب كلمة عفانة
ــــــــــــــــــــــــــــــــــــــــــــ
بعد صليت ركب شاقي الصقيعة
قطع بت ناصر الليد الوسيعة
طريت أم شرشرا يحجا الوقيعة
ذويا حر صحيح خاتي النديعة
ــــــــــــــــــــــــــــــــــــــــــــ
قبوب ود زايد الحلالو باين
يجيهو التيس يصبق في الكماين
طريت بريبة الوادي أب عساين
تريع القلب صحيح وكتين تعاين
ــــــــــــــــــــــــــــــــــــــــــــ
كربت يا جمل الخب أفرقو
اكسر الهيشة والتباس أمرقو
جنية الحكمو لا دارفور وبرقو
حسارها زاد علي والقلب تحرقو
ــــــــــــــــــــــــــــــــــــــــــــ
مما قم صغير المال بصرفو
أنا شكر البنات بالحيل بعرفو
ذويا بالتلاتة بيضوي سرفو
تجيني العافية يوم ادني واكرفو
ــــــــــــــــــــــــــــــــــــــــــــ
هديك الطلحة بانت لي زريبة
ترى القضروف دحين بقيت قريبة
أرح يا الفي العلوق معاك ويبة
رقادك يا أب مرار عند الحبيبة
ــــــــــــــــــــــــــــــــــــــــــــ
بشوف قضروف سعد حلولها طارن
زملنا أتباشرن بالتيه وغارن
زويلي الفي الظلام عينيه نارن
علي خرت الألوف أماتو شارن
ــــــــــــــــــــــــــــــــــــــــــــ
هكع سرف البوادرة الكير منوي
متل صقر البليب وكتين يخوي
ورحك يا أب مرار فوق هادا دوي
قرب يا تيس أم علي أب فاترن بضوي
ــــــــــــــــــــــــــــــــــــــــــــ
من الحيضان مسكنا الدرب مشينا
ختم كرتوب عرق حلة روينا
جنية لي سعد تالاها جينا
وصلنا الفي البنات سالكة وحسينة
ــــــــــــــــــــــــــــــــــــــــــــ
بكان نوخ كرف ريحة جلادها
فلانة أم قرقدا عنف الوسادة
أمانة يا جماعة وفي الشهادة
منو الغير زولي حاق مسداري هادا
ـــــــــــــــــــــــــــــــــــــ
حايدانا الأمانة النشدة حارة
عجيلتك ها الوكيت فوق جيلها تاره
عناق الأريل الفوق قوزها فاره
هباب ما فرهدت ما قالو داره
ــــــــــــــــــــــــــــــــــــــــــــ
عناق أم سومري المرعاها جبرة
تحدثني حديثا كلو عبرة
أن جنيت تاني ما أظني ببرة
بلا عناب جناين وادي شبرة
ــــــــــــــــــــــــــــــــــــــــــــ
مشيت وجيت لقيت دلو السلوقي
يجوني الناس يعجو يقيفو فوقي
شاكي الغلبة لكن جد شوقي
متل جمل العلوق كل حين أهوقي
ــــــــــــــــــــــــــــــــــــــــــــ
فتحت الباب دخل عجلان عليها
لقيت أم خد تنور زي حليها
بنيتا من زمان شويمنا ليها
بشوف خلق الجمال مجموعة فيها
ــــــــــــــــــــــــــــــــــــــــــــ
لقيت الكولا فوق لحفاتها نايمة
بكان ما تحس تخنق العبرة قايمة
جنية البي الغرب مردانو حايمة
ندهت الصالحين تبقى لي دايمة
ــــــــــــــــــــــــــــــــــــــــــــ
تقول لي يا ولوف طول غيابك
تلاتة شهور تمام ماسكين حسابك
دحين وكتين حضر والمولى جابك
تعال لا تلجلج النوريك عتابك
ــــــــــــــــــــــــــــــــــــــــــــ
أقول ليها العتاب لي ليه تشني
زمانا ماهو ده غيك مكني
أتركي ها العتاب لي روحي دني
بلاك لي من بنوح دايما واغني
تحدثني أم حديثا كلو زينة
وتقول لي يا ولوف ليش ما بتجينا
تلفخني أم وضيب روبتا دهينه
تكتفني أم زوير لكن حنينة
ــــــــــــــــــــــــــــــــــــــــــــ
تحدثني أم حديثا كلو فاقة
تقول لي يا ولوف ليش الإنطلاقة
تلفخني أم وضيب روبتا دقاقة
حقيقة اللوم بزيل وش الرفاقة
ــــــــــــــــــــــــــــــــــــــــــــ
تقول لي يا ولوف لي أمي ماشه
بجيك بسراع وحاتك ماني غاشه
علي الفانوس بشوف دماعها باشه
أنا الفلاح وهي أفندينا باشه
ــــــــــــــــــــــــــــــــــــــــــــ
عجايب ها الزمن توريك كتيره
توزن الإبرة والفاس الكبيرة
دخلت القشلة دي ونقر بقيره
وتركت المرتقو وقام في الجزيرة
ــــــــــــــــــــــــــــــــــــــــــــ
مما قم صغير فوقن بغني
خيار الحم كتار الجالسني
بنيتا ها الوكيت صبحت مدني
حسارها زاد علي بالحيل مكني
وبكرعى للعريباب ودني
ــــــــــــــــــــــــــــــــــــــــــــ
أمانة يا أب دهب صادفاني غية
تعرب في الفؤاد نيرانها حية
أكان ما خوف مديرنا أب خمسمية
بكمل باقي عمري مع الجدية
ــــــــــــــــــــــــــــــــــــــــــــ
حققنا الربوع يوما معاها نحاسه
فارق بو أم شليخ قصبة مناصح الخاسه
يوم قمت الصباح من حلة النحاسه
متل الشعبوهو وتبعو الغواسه,

اسامة احمد

اسامة احمد: المدير العام; تاريخ التسجيل : 19/10/2006
عدد الرسائل : 986

مساهمة رقم 2

رد: مسادير × مسادير

من طرف اسامة احمد الأربعاء أبريل 28, 2010 2:52 am

MISDAR مسدار عكير الدامر

الشاعر عكير الدامر هو علي إبراهيم عاكير والده من البجا، وأمه من الجعليين بالدامر، وارتبط اسمه بالدامر، ككثيرين غيره من البجا، مثل آل أبوهاجة، وهو من أوائل خريجي مدرسة غردون لذا تجده يجيد الإنجليزية، وبالطبع البجاوية ، والعربية، هناك قصة طريفة تحكى عنه :
كان يجلس يوماً في سوق الدامر في بوتيك لأحد أقربائه الشباب، فدخلن مجموعة من الفتيات وسخرن من الشاعر وصديقه البجاوي (يعني قطعن فوقو مع الشاب بتاع البوتيك) وكانت لغة الحوار بينهم الإنجليزية، ولم يعرفن أن الشاعر عكير يفهمها، فعندما انتهى حديثهن رد عليهن بالإنجليزية ، ووبخهن بأن العلم إذا أتخذ للسخرية من الناس لا فائدة منه، وهو كما تعلمون حكيم ووقور جداً، وهنا لم يفهم صديقه البجاوي شيئاً، فالتفت إليه ووضح له كل ما دار ... لكن باللغة اللبجاوية ... ولم يفهمن شيئاً ..
اشتهر بشعر الحكم، المدح، وصف الطبيعة، وقليل من شعر الغزل ...
أفضل من يتحدث عنه هو عمنا رحمة محمد رحمة بالدامر فهو صديقه ورفيق دربه... وقد شارك بجهد مقدر في إخراج ديوانه، ويحفظ كثيراً من شعره النادر

خبر الشوم طلع هز القبب واترجت
والنار في الدارويش البترجمو وجت
امواج المحبين بالشوارع قجت
وربات الخدور نزعت حجابها وعجت
------
عكير الدامر يصور مشهد نبأ رحيل الشيخ الجيلي الكباشي

***********************

ما بنقبل حكم ناس في بلاد الغربة
وتحت التاج نقع جمل انكسر في هربة
بدل الزل وعيشة العار وحالة الكربة
أولى الآخرة" ميت ما بخاف التربة"

*****************
فيك طبع الأسد صالحت او حاربت
وفيك طبع البرامكة بعدت او قربت
فيك طبع الملوك شرقت او غربت
وفيك طبع الحكيم لقمان حلل او ربطة

*********************************
يا مولاي أه من غلبي
من النارو حرقت قلبي

يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم?? تلبي
هب الريد تلبي و عاودك الحنين يا قلبي

مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني

الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا

يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك

عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري

أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن

عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني

عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،م ناري كنت حرقت
و لو ما ناري من كترت دموعي غرقت
***********************************************
ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
هو يسوى الغلط وانا اسوي كتر خيرو
*******************************************
قصيدة عكير الدامر في وصف الدنيا
----------
سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه
.....
تقابلك عروس تعشق معاني رقيصه
تملاك بالمحبة وتمشي نازله نقيصه
ما يغريك دلاله وتوب جمال بلقيسه
عاين للقبور وبعدين سماحته بتقيسه
...
بتقابلك جنينة تمتعك بي ثماره
وترقد في امانا وتنهمك بعمارا
باكر تبقى ليك حنضل تشوفو دمارا
تسحب منك .... وتدق مسماره
...
زولاً شاف رقاد العبروهو مشبر
والزول البرص فى الطوب ووشو مغبر
إتأكد دة بكرة مصير غير إتكبر
إنسى الموت والمال والبنون إتبتر
...
دى الغدارة دى الحقارة دى العقارة
كم قلبت زغاريد عرسه بي نقارة
أعلِنا بالحرب قبال تشب الغارة
وقبل الروح تغرغر وتبقى في الغرغارة
...
إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية
**********************************************
عــكــيــر الــدامـــر فى مدح الشيخ الجعلي

حباب الكوكب ال لي كل شر حباس
حباب السره من ناس همزه والعباس
طريق ديمه المنيل ونادي خاتي يباس
قباب نور الزمان البق من كدباس

يافرع الطهاره الصافي من ادناس
بعيد قلبك من الوسواس والخناس
جبل الرحمة يا مشرع جميع الناس
تعيش قبلة صلاح لي كافة الاجناس

البنا ما بقيف يا سيدي من غير ساس
ياسر حاج حمد بركه وندى واحساس
صوطك لي المرض من العضم حساس
يخرج بي عجل ذي طلقة الرصاص
__________________________
احياك الله لي الاسلام ركن حراس
عرق دم الرشيد سيد العلم ميراث
تعالج بي النظر لا محايه لا كراس
وبي موية الوضوء بتطرد جنون الراس

حبتك السعاد اهل العقول النايره
بي جنحات صقور جاتك مخويه طايره
والد المعتصم يالجعلي سيد الدائره
احياك الله يا درع القواسي الغايره
______________________________

خصاك الله بي التقوى النظيفه الصافيه
بالحياة طلوع ثم الصداقه الوافيه
يد ذو الفقار لي كل شر متلافية
فلتحيا وتعيش وعليك تاج العافيه
*****
كم وفقت ناسا طولت متعاديه
كم ارشدت عالم في الحضر والبادية
سفينة نوح صحبتك في الامان متهايه
نعم البها فاز وحياته صبحت ناديه
*********
رايتك في المنام واخذت جلسه وهانيه
واليوم الله جاد بي شوفتي ليك التانيه
لكل كتاب والدنيا اصلها فانيه
نعم الجالسك لو كان دقيقه وثانيه
**********
اشكر خالي مجذوب لي هون قاسيه
صدق لي الرؤيه ثبتت راسيه
يا نسل النبي الضو الليالي الماسيه
اقبلها من عكير الجاب ليك متواسيه
_____________________________

غاب نجم الاهل بقت العداوة اقــــــارب
البتجيبُ فزعه يكون دبيب وعقـــــارب
البتقول صباح الخير تلق بكره مغـــارب
دبرة صُرة وجعَه جُوه حربة غــــــارب

**********
يبس شجر المحنة وراحت الاهـــــــــليه
ود اختك نصيحتي تقاطع بالكــــــــــليه
ود العم نصيبه وبي المرض ممــــــــليه
والعجب ان قبيل عدمان ولِق مالــــــيه

**********
الجنى في المحاكم شفنا خاصم ابــــــوه
والحق الجلي الشياب قبل بابــــــــــــوه
الشبان بقوا البيصلي ما بحبـــــــــــــوه
والدين المحمدي اصبحوا يسبــــــــــوه

**********
الصبي قاطع الوالدين ولم حبــــــــــاله
والاخو بي البترمي اخوه مشغول باله
الخال انسحب ود الاخت سبــــــــــاله
والعم ود اخوه يدُور نسب يا بــــــاله

**********
الجار قاطع الجار والحيط عــــــــلوها
وان قلت النصيحه الفي الكتاب قتلوها
الاخوان على بعض السيوف سلـــوها
واموال اليتيم اهل السبح اكــــــــــلوها

**********
ما يتقدم ال لي عله ديمه عطــــــــــاه
والبهتك عرض مكشوف تملى غطاه
البزرع له شوك لابد يتوطــــــــــــــاه
والبطبخ له سم لابد يتعاطـــــــــــــــاه

Wadkamal

Wadkamal: صلوعابي نشيط; تاريخ التسجيل : 06/10/2010
عدد الرسائل : 18
العمر : 37

مساهمة رقم 3

رد: مسادير × مسادير

من طرف Wadkamal الإثنين فبراير 06, 2012 1:09 am

شكرايامديرعلي هذا الجهدالرايع في توثيق التراث وقالواهلنا الماعندو قديم ماعندو جديد

مواضيع مماثلة

» الهمباته ..!!! مسادير