سوف لن ابقى هنا اني مسافر

وما زال الترحاب مستمرا في سواح الفانية

من إنتاجك أم مقتبسة .

وقال العمدة ود زياد متذكراً صباه
قلعة بت سميح جابت هواياً بارد
ريحة الدعاش وسيل ودجويلى المارد
وغرام ودسلمان لى مساككة الغزال الشارد
ذكرنى الصبا وخير ناس أبوى الوارد

العمدة ود زياد كتب:من إنتاجك أم مقتبسة .

حبيبا العمدة ود زيادة
السلام عليكم ورحمة الله وبركاته ..

هذه القصيدة اخذت من كتاب منذ حوالي 7 سنوات ولازالت في الذاكرة لكنني لا اتذكر من قائلهالكنه شاعر سوداني ..
لك التحية و التجلة
بعدين انتوا عنكم شاعر ماشاء الله عمنا التوم ود دفع الله ضروري تجيب لينا من شعره شوية

العمدة ود زياد كتب:وقال العمدة ود زياد متذكراً صباه
قلعة بت سميح جابت هواياً بارد
ريحة الدعاش وسيل ودجويلى المارد
وغرام ودسلمان لى مساككة الغزال الشارد
ذكرنى الصبا وخير ناس أبوى الوارد

شعر جميل يا العمدة ود زياد .. ياريت تواصل لينا في هذه الرباعيات الجميلة
بت سميح ده حبوبتا وكانت بتجي لي حبوبتي الجودلية الله يرحمها في البيت والله ما هي بت سميح الانا بقصدها
اشرح لينا تلك الابيات الجميل .. ومزيدا من التواصل الجميل لك التحية ..

الأخ/ أسامة ود أحمد
بت سميح ياها بت سميح البتقصدها وتسكن الديريرة ومشهورة لأجيال الثمانينات فما فوق ، أما شرح الأبيات قلعة بت سميح هى القلعة التى تقع بين الشايقية والديريرة من الناحية الشمالية وبالقرب من حفير عثمان ودفع الله وهى فى مكان مرتفع وعندما يأتى الخريف ياتى منها هواياً بارد وجميل يتجه ناحية الشايقية ويشعر به كل سكان القرية وطبعاً بطرد البعوضة . أما ريحة الدعاش معروفة وسيل ودجويلى هو السيل المنحدر من سكن طه ودجويلى القديم ( فى الخلا ) وهو سيل قوى جداً شبيه بسيل بت أم بو الغرق أخوان ودقيلى والسيل عندما يجئ يهدد ترس الشايقية لذلك سميته بالماردوطبعا ماعندنا كاميرات فديو زى هسع عشان نصوره زى ماصورتو السيل الأخير والوحلت فيه الدلعانة الجديدة ( الدلعانة 2 ) أما المقصود بود سلمان هو سلمان جنى ود سلمان ود حنانة كان مغرماً بالقنيص وقبيض الصيد الذى يكثر فى الخريف . وعبارة ذكرنى الصبا طبعاً نحن كبرنا ولازلت ذكريات الصبا راسخة فى أذهاننا وحكاوينا زمان نحكيها عندما نلتقى فيس تو فيس فى ضو القمرة مش فى المندتيات أو بالموبايلات . وخير ناس أبوى الوارد يعنى العمدة ودزياد والده عندما يأتى الخريف يذهب للخلا للزراعة فى النقع ن وادى التور ، الحفرة ...إلخ ، ويحصدوا كثير من أنواع الحبوب مثل الفاصوليا الحميسى ن المقد ع وفى رواية أخرى القمح ودا خير كبير جداً بالغضافة للسعية من أبقا ونعاج وغنم وكل هذا من وحى الذكريات التى تنذكرها ونحن فى البندرعندما نكون فى ساعة الصفا أتمنى ان
أكون قد وفقت فى الشرح وفى إنتظار تعليقك وبقية الأخوة أعضاء المنتدى .
مع الشكر
العمدة ودزياد( هل بتعرفه ) .

الشكر لك أخى أسامة على الرباعية الجملية وعلى الإهتمام بالرد أتمنى أن يدوم التواصل .
وأقترح عليك الإقتراح الأتى :
الإتصال بشعراء المنطقة أمثال فتحى الجعلى وعلى محمد صالح الشايقى وعوض دفع الله وغيرهم وكتابة شعرهم بالمنتدى

انشاء الله الكريم سوف نقوم بالاتصال بجميع الشعراء المنطقة وخاصة شعراء الصلوعاب حلة الشايقية .. كما اتمنى ان تزودنا بشعر مكتوب للأخ فتحي الجعلي ..
لك التحية و التجلة